ДСҰ-ның жаңа басшысы болып бразилиялық экономист Роберто Азеведо сайланды

АСТАНА. 8 мамыр. ҚазАқпарат - Дүниежүзілік сауда ұйымының жаңа басшысы болып бразилиялық экономист Роберто Азеведо сайланды.

Дауыс беру нәтижесі бойынша ол өзінің қарсыласы мексикалық Эрминио Бланкодан алға шықты, деп жазады ВВС.

ДСҰ-ның қазіргі бас директоры француздық Паскаль Ламидің өкілеттігі 2013 жылдың 31 тамызында аяқталады.

Роберто Азеведо ДСҰ-ны басқаратын бірінші латынамерикалық болмақ.