Дубайда туристік тікұшақ құлады
АСТАНА. 23 қаңтар. ҚазАқпарат - Дубайдың Пальма жасанды аралының ауданында жеке меншік туристік тікұшақ құлап, екі адам жараланды.
Әуе апаты әлемдегі ең қымбат қонақүйдің бірі болып саналатын «Атлантис» алаңынан ұшу кезінде орын алған. Тікұшақ бортында ұшқыш пен жолаушы болған. Екеуі де полицейлік тікұшақпен ауруханаға жеткізілді. Біреуі орташа деңгейдегі жарақат алса, екіншісінің халі ауыр. Әзірге бұл екеуінің азаматтығы анықталған жоқ, деп хабарлайды Росбалт.
