Дубайда түйе сүтінен шоколадтың жаңа түрі жасалды
АСТАНА. Шілденің 23-і. ҚазАқпарат - Дубайда құрамына түйе сүті кіретін шоколадтың жаңа түрі жасалды. Бұл туралы лондондық «Дейли телеграф» газеті жазып отыр.
Басылымның атап көрсетуінше, жаңа шоколадтың дәмі де, иісі де ерекше.
Жобаның бас менеджері Мартин ван Алмсиктің мәлім етуінше, жаңа шоколад әлемнің елордаларындағы ең үздік деген дүкендерде сатылатын болады.
Ал ғалымдардың атап көрсетуінше, түйенің сүтінде С дәрумені, сиырдағыдан бес есе көп.
