Дубайдан Панамаға ұшатын Emirates рейсі әлемдегі ең ұзақ рейс болмақ

АСТАНА. ҚазАқпарат - Emirates Airline әуекомпаниясы 2016 жылдың 1 ақпанынан бастап Дубай-Панама бағыты бойынша еш тоқтаусыз, әлемдегі ең ұзаққа созылатын рейсті іске қосады, деп хабарлады Bloomberg агенттігі.

Ұзындығы 13821 км жолды жүріп өтуге 17 сағат 35 минут уақыт кетеді, билеттер құны $2,1 мың басталады. Рейс осыған дейінгі рекордшы болған австралиялық Qantas әуетасымалдаушысының Сидней-Даллас бағытынан 17 км ұзағырақ болады.

Жолаушыларды тасымалдау бойынша абсолютты рекордты Boeing 777-200LR лайнері 2005 жылы орнатқан. Ол кезде 8 экипаж мүшесі мен 27 жолаушы Гонконгтан Лондонға дейін 21602 км ұшып өтті. Ұшу уақыты 22 сағат 22 минутты құрады.