Дубайға келген мыңдаған шетелдіктер Ислам дінін қабылдаған

Бұл туралы www.muslim.kz сайты хабарлады.

Дар ул-Бер мемлекеттік ұйымының Ислам ақпараттық орталығының директоры Рашид әл-Джунабидың айтуынша, арнайы келіп асыл дінімізді қабылдағандардың саны қаңтар айында 205 адам, ақпан айында - 238 адам, наурыз айында - 237 адам, сәуірде 383 адамды құраған. Аталмыш орталыққа күн сайын жүздеген жандар әртүрлі сұрақтарға жауап іздеп бас сұғып, дәрістер алып қайтатын көрінеді.

Сондай-ақ, әртүрлі халықаралық конференциялар мен ұйымдар басқосуы кезінде Ислам дінінің құндылықтарына қанығып, Алла жолына түскендердің саны біршама артатыны байқалған. Мысалы, мұсылмандардың халықаралық съезі қарсаңында 250-ден астам адам мұсылман атанған.

Ұйымда тіркелген мәліметтерге сүйенсек, шетелдіктер арасында Ислам дінін қабылдауда Филиипин аралдары мен Қытай, Үндістан, Таиланд, Камерун, Кения, Нигерия, АҚШ, Италия, Германия, Британия, Ирландия, Шри-Ланка, Австралия, Мьянма, Сирия, Иорданиядан келгендердің үлес салмағы басым.

Аталмыш ұйымға келіп ислам дінін қабылдап, мұсылман атанғандар қатары 2013 жылы - 2115, ал 2012 жылы 1907 адамды құраған.