Дүниежүзілік денсаулық сақтау ұйымына жаңа басшы сайланды
АСТАНА. ҚазАқпарат - Дүниежүзілік денсаулық сақтау ұйымының директоры болып Эфиопияның бұрынғы денсаулық сақтау министрі Тедрос Аданом Гебреисус сайланды. Бұл туралы ресейлік ТАСС агенттігі хабарлады.
Женевада өткен Бүкіләлемдік денсаулық сақтау ассамблеясының 70-ші отырысында осындай шешім қабылданды.
«Эфиопия өкілі сайланды», - деп мәлімдеді дауыс беру рәсімінен хабардар адам. Тілшілерге атын жария етпеуді сұраған адамның айтуынша, Гебреисуске 133 дауыс берілген, оған 50 делегат қана қарсы болған.
