Дүниежүзілік көшпенділер ойындарына волонтерлерді іріктеу басталды

АСТАНА. KAZINFORM – Биыл күзде елордада өтетін V дүниежүзілік көшпенділер ойындарына волонтерлерді іріктеу жүріп жатыр. Бұл туралы «Астана жастары» жастар ресурстық орталығының еріктілер қозғалысын дамыту бөлімінің маманы Айзат Әбибуллақызы мәлім етті.

«Дүниежүзілік көшпенділер ойындарына волонтерлерді іріктеу басталды. Олар арнайы сауалнама толтырады, соның негізінде волонтерлердің жас ерекшелігі мен осы саладағы тәжірибесі анықталады», - деді Айзат Әбибуллақызы Kazinform агенттігі тілшісінің сұрағына жауап бере тұрып.

Оның айтуынша, дүниежүзілік көшпенділер ойындарына 500-ден астам волонтер тартылмақ.

«Бүгінде елордадағы жастар орталығында 6 мыңнан астам волонтер бар. Сондай-ақ, орталық базасында волонтерлер мектебі жұмыс істейді, ол жерде еріктілер қатарына енді кіргендерге осы қызмет бойынша сабақтар өтеді», - дейді ол.

Бұған дейін Астана қаласының әкімі Жеңіс Қасымбек Дүниежүзілік көшпенділер ойындарына орай абаттандыру және көгалдандыру жұмыстары туралы айтқан еді.

Еске сала кетсек, V Дүниежүзілік көшпенділер ойындары Қазақстанда өтеді.

Айта кетейік, Астанада 8-14 қыркүйек аралығында өтетін Дүниежүзілік көшпенділер ойындарына 58 ел қатысады.