Дуров тұтқындалғаннан кейін Астанада Telegram кеңсесі ашыла ма
АСТАНА. KAZINFORM – ҚР Цифрлық даму, инновациялар және аэроғарыш өнеркәсібі министрлігінен Павел Дуров Францияда ұсталғаннан кейін Астанада Telegram кеңсесін ашылу мүмкіндігіне қатысты пікір білдірді.
- Астанада Telegram кеңсесін ашу компанияның өз шешіміне байланысты, - деп мәлім етті министрліктен.
Сондай-ақ Astana Hub жетекші технопарк ретінде кеңсені ашуға қажетті инфрақұрылымдық қолдау көрсеткені аталды.
Telegram кеңсесі ашылатын болса ондағы жұмыс орындарының саны компанияның бизнес стратегиясына байланысты болмақ.
- Қазақстан жоғары білікті мамандарға қолжетімділік пен бәсекеге қабілетті жұмыс жағдайларын ұсына отырып, халықаралық IT-компаниялар үшін қолайлы ортаны қалыптастырып келеді, - делінген хабарламада.
Айта кетейік, Павел Дуров 2024 жылы 24 тамызда Париждегі Ле Бурже әуежайында балаларға қарсы қылмысқа, есірткі саудасына және алаяқтыққа қатысы бар деген айыппен ұсталған болатын.
