Душанбеде суицид жасамақшы болған ана өзі аман қалып, үш баласы ажал құшты
АСТАНА. ҚазАқпарат - Күйеуінің екінші әйел алуына келіспеген жас әйел кәмелеттік жасқа толмаған үш баласымен бірге өздеріне қол салмақ ниетте суға секірген. Әйел аман қалып, балаларды құтқарып қалу мүмкін болмады.
Тәжікстан Төтенше жағдайлар комитеті хабарлағандай, қазір әйел ауруханада жатыр.
Жергілікті ІІМ деректеріне сүйенсек, өз-өзіне қол салу әрекеті бойынша қылмыстық іс қозғалды.
Екінші әйел алу дәстүрі мұсылман әлемінде қарсылықтар тудыруда. Тәжікстанды қоса алғанда, Орталық Азияда көп әйел алуға заң жүзінде тыйым салынған.
Кей хабарламаға сәйкес Ресейде бірінші жұбайымен ажыраспай, Ножай-Юртовский АІІБ басшысы Нажуд Гучигов пен 17 жастағы шешен қызы Луиза Гойлабиеваның үйлену тойы үлкен резонанс тудырған болатын.
