Дүйсенбіде Қазақстанда күн ашық болады, кей жерлерде тұман түседі
АСТАНА. ҚазАқпарат - Республиканың бүкіл аумағы ауқымды антициклон ықпалында болады, соған байланысты күн райы ашық болуы күтіледі, деп хабарлады ҚР ІІМ Төтенше жағдайлар комитеті.
Елдің шығысында ғана атмосфералық ағындардың өтуімен жауын-шашын түсуі, желдің күшеюі сақталады. Республиканың кей жерлерінде тұман түседі.
Шығыс Қазақстан облысында кей жерлерде тұман түседі, жолдарда көктайғақ болады, түнде желдің күші 15-20 м/с-қа дейін жетеді.
Жамбыл облысында кей жерлерде тұман түседі - желдің күші 15-20 м/с.
Ақмола, Оңтүстік Қазақстан, Қызылорда, Маңғыстау, Атырау, Қостанай, Қарағанды, түнде және таңертең Алматы, Солтүстік Қазақстан облыстарында кей жерлерде тұман түседі.
