Дүйсенбіде Қазақстанның басым бөлігін тұман басып, жел күшейеді
АСТАНА. ҚазАқпарат - Бүгін фронтальдық ағындардың өтуіне байланысты Қазақстанның басым бөлігінің жер-жерлерінде қар жауып, тұман түсіп, көктайғақ орын алады, жел күшейеді, деп хабарлады «Қазгидромет» РМК.
Ақмола облысының кей аймақтарында боран соғып, тұман түседі, көктайғақ орын алып, желдің күші 15-20 м/с-қа жетеді, деп күтілуде.
Солтүстік Қазақстан, Маңғыстау облыстарының кей жерлерінде тұман түседі. Қарағанды облысында кейбір ауданда боран соғып, күндіз жел 15-20 м/с-қа жетеді.
Батыс Қазақстан, Шығыс Қазақстан облыстарының кей аумақтарында тұман түсіп, көктайғақ орын алады. Алматы облысында түнде кей жерлерде тұман басып, Жалаңашкөл ауданында желдің күші 15-20 м/с-қа жетеді.
Жамбыл, Оңтүстік Қазақстан облыстарының жер-жерлерінде тұман түссе, жел 15-20 м/с-қа күшеймек. Қызылорда облысының кейбір аймақтарында да тұман, көктайғақ орын алып, күндіз кей жерлерде жел 15-20 м/с-қа күшейеді.
Ақтөбе және Қостанай облысының да кейбір аймақтарында боран күтіледі, жел 15-20 м/с-қа жетіп, түнде, таңертең кей жерлерде тұман түседі.
Астанада күн бұлтты, қар жауып, боран соғуы мүмкін. Жел оңтүстік шығыстан соғады, екпіні - 15-20 м/с. Түнде және күндіз темепература 4-6 градус аяз болады.
Алматыда бүгін ауыспалы бұлт шығып, жауын-шашынсыз болады. Түнде ауа температурасы 0 градусты көрсетсе, күндіз 10-12 градус жылы болады.
