Джиу-джитсудан жастарымыз әлем чемпионатына қатысады

АСТАНА. ҚазАқпарат - Ертең Джиу-джитсудан Қазақстан жастар құрамасы Грекияның Афина қаласында өтетін әлем чемпионатына қатысады, деп хабарлайды ҚазАқпарат тілшісі.

17-19 наурыз аралығында өтетін әлемдік додаға Қазақстан намысын 41 спортшы қорғамақ.
Олар Қазақстан Республикасы Кубогының іріктеу сайыстарында сыннан сүрінбей өткен таңдаулы спортшылар. Жарыс алдында спортшыларымыз «Бастау» спорт кешенінде соңғы оқу-жаттығу жиындарын өткізді.