Джоэль Диаз: Головкин үзіліс және тайм-аут дегенді білмейді
АСТАНА. ҚазАқпарат - Америкалық боксшы кіші Джоэль Диаз WBA (Super), IBO және WBC Interim тұжырымдары бойынша орта салмақтағы чемпион, қазақстандық боксшы Геннадий Головкинмен (32-0, 29 КО) бірге жаттығуда және чемпионның дайындықтағы еңбекқорлығына тамсануда, делінген Головкиннің ВКонтакте әлеуметтік желісіндегі GGG ресми парақшасында.
Оның сөзіне қарағанда, қазақстандық боксшы жаттығу барысында демалу, аз уақытқа аптығын басу дегенді білмейді.
«Менде дене дайындығынан өте ауыр жаттығулар өтті. Генамен жұмыс істеу - арман, бірақ ол үзіліс және тайм-аут дегенді білмейді!», - деп мәлім етті кіші Диаз. Еске сала кетейік, Геннадий Головкин 16 мамырда өтетін жекпе-жекке дайындалуда. Оның қарсыласы - америкалық кіші Вилли Монро.
