Джохар Царнаевқа қатысты сот отырысы екі айға кейінге шегерілді
АСТАНА. ҚазАқпарат - 2013 жылы Бостон марафонында болған жарылысқа кінәлі деп айыпталған Джохар Царнаевқа қатысты сот отырысы уақыты екі айға кейінге шегерілді, деп хабарлады ВВС.
Бірінші сот отырысы 2015 жылдың 5 қаңтарына белгіленді. Бұған дейін оның өтетін уақыты 3 қараша 2014 жыл деп хабарланған болатын. Сот отырысын Бостаннан басқа қалада өткізу туралы қорғаушылардың өтінішін сот қанағаттандырмады. Царнаевтің қорғаушылары Бостонда істі әділ өткізу мүмкін емес екендігін айтқан.
