Джонсон-Деревянченко айқасының жеңімпазы Головкинмен жұдырықтасады

АСТАНА. ҚазАқпарат - Халықаралық бокс федерациясы (IBF) орта салмақтағы әлем чемпионы титулына ресми үміткер атағы үшін украиндық Сергей Деревянченко мен багамдық Туреано Джонсон арасында жекпе-жек өткізуді міндеттеді, деп хабарлайды «ҚазАқпарат» ХАА тілшісі.

Қазіргі таңда Джонсон өзінің салмақ дәрежесі бойынша IBF рейтингінде бірінші, ал Деревянченко екінші орында тұр. Егер Джонсон Деревянченкомен жұдырықтасудан бас тартса, көшбасшылық позициясынан айырылып, рейтингтің үздік ондығынан шеттетіледі.

IBF нұсқасы бойынша орта салмақтағы әлем чемпионы атағына Геннадий Головкин ие. Сол себепті Джонсон-Деревянко жекпе-жегінің жеңімпазы қазақстандық боксшымен айқасады.