Дзюдо: Азия біріншілігіндегі қазақ балуандарының қарсыластары анықталды

Дзюдо: Азия біріншілігіндегі қазақ балуандарының қарсыластары анықталды
Фото: Olympic.kz

АСТАНА. KAZINFORM – Бүгін Қытайдың Гонконг қаласында дзюдодан Азия чемпионатының жеребе тарту рәсімі өтті.

ҚР Дзюдо федерациясы атап өткендей, аталған Сары құрлық додасы 20-22 сәуір күндері өтеді. Бүгін жеребе қорытындысына сәйкес, аталған сында өнер көрсететін қазақстандық дзюдошылардың алғашқы қарсыластары белгілі болды.

Ел намысын 7 салмақта 9 отандасымыз қорғайды. Ерлер арасында ең көп спортшы 73 кг дейінгі салмақта (29 дзюдошы). Биылғы Азия біріншілігіне 34 елдің 262 таңдаулы татами шебері жиналды.

Азия чемпионатының жеребесі:

60 келі

Елдос Сметов – Куйвейт/Солтүстік Корея балуандарының жеңімпазы

Нұрқанат Серікбаев – Кувейт/Түркменстан балуандарының жеңімпазы

66 келі

Ғұсман Қырғызбаев – Ранди Феррера (Филиппин)

Жанарыс Рахметқали – Шуген Накано (Филиппин)

73 келі

Данияр Шамшаев – Тацуки Ишихара (Жапония)

Асқар Нарқұлов – Масауки Терада (Таиланд)

81 келі

Абылайхан Жұбаназар – Үндістан/Палестина жұбының жеңімпазы

100 келі

Нұрлыхан Шархан – Баймұрат Мажанов (Түркменстан)

+100 келі

Ерасыл Қажыбаев – Рюхао Ли (Қытай)

Естеріңізге сала кетейік, осыған дейін аталған сында ел намысын кімдер қорғайтыны туралы жазған болатынбыз.

Соңғы жаңалықтар