Дзюдо: Токиода өтетін Grand Slam жарысына кімдер барады
2-3 желтоқсан күндері Жапония астанасы Токиода өтетін әлемдік Grand Slam жарысына Қазақстаннан баратын дзюдошылардың тізімі белгілі болды, деп хабарлайды Kazinform.
Бұл дода биылғы маусымның соңғы бәсекесі болмақ. Оған 88 елден 527 дзюдошы қатысады деп жоспарланған.
Қазақстан дзюдо федерациясының мәліметінше, аталған жарыста ел намысын қорғайтын спортшылардың тізімі төмендегідей:
Ерлер:
– 60 келі: Нұрқанат Серікбаев, Елдос Сметов
– 66 келі: Ғұсман Қырғызбаев, Нұрзат Сәлімбаев
– 73 келі: Данияр Шамшаев, Асқар Нарқұлов
– 81 келі: Абылайхан Жұбаназар, Руслан Мусаев
– 90 келі: Айдар Арапов, Ермахан Ануарбеков
– 100 келі: Бекарыс Сәдуақас, Нұрлыхан Шархан
– +100 келі: Ерасыл Қажыбаев, Ғалымжан Қырықбай
Әйелдер:
– 48 келі: Абиба Абужақынова, Ғалия Тынбаева
– 63 келі: Эсмигүл Куюлова
– 70 келі: Екатерина Токарева
– + 78 келі: Назгүл Маратова, Камила Берліқаш
