Дзюдодан әлем чемпионаты: Жеңімпаздар ұлттық нақыштағы медальмен марапатталады
НҰР-СҰЛТАН. ҚазАқпарат – Алматыда дзюдодан жасөспірімдер арасындағы әлем чемпионатының медалі таныстырылды, деп хабарлайды ҚазАқпарат тілшісі.
Бұл туралы бүгін ҚР Дзюдо федерациясының баспасөз қызметі хабарлады.
«Дүниежүзілік біріншіліктің жеңімпаздары мен жүлдегерлері ұлттық нақышта өрнектелген медальдармен марапатталады», - делінген хабарламада.
Айта кетейік, Алматыда өтетін әлемдік дода 25 қыркүйек күні басталады. 25-29 қыркүйек күндері өтетін жасөспірімдер арасындағы әлем чемпионатына 64 елден 500-ге жуық жас татами шебері қатысады деп жоспарланған.
Естеріңізге сала кетейік, осыған дейін аталған додада ел намысын кімдер қорғайтынын және жарыс кестесін жариялаған болатынбыз.
