Дзюдодан Қазақстан жастар құрамасы Еуропа кубогінде 9 медаль жеңіп алды

АСТАНА. KAZINFORM — Қазақстан жастар құрамасы Португалияның Анадия қаласында дзюдодан өткен Еуропа кубогінде 9 медаль жеңіп алды.

Қазақстан дзюдо федерациясынан мәлім еткеніндей, аталған жарыста қазақстандық жас татами шеберлері 1 алтын, 4 күміс, 4 қола жүлдеге ие болды.

Атап айтқанда, Талғат Орынбасар (60 кг) чемпион атанса, Азат Күмісбай (81 кг), Нұржан Бисенов (90 кг), Дінасыл Тәттімбек (-100 кг) және Жантілек Нұртілепұлы (+100 кг) күміс жүлдемен марапатталды. Оған қоса Алдияр Қарғұлов (60 кг), Глеб Азаров (81 кг), Асқар Біржанов (90 кг) және Нұрайлым Сәрсенбек (52 кг) үздік үштікке кірді.

Еуропа кубогі қорытындысында Қазақстан жастар құрамасы жалпы медаль кестесінде 17 ел ішінде 5-орынға тұрақтады.

Еске сала кетейік, бұдан бұрын дзюдодан Тбилисидегі Grand Slam турнирінде Қазақстанның үздік ондыққа енгенін жазған болатынбыз.