Дзюдодан Париж Олимпиадасына ұпай үлестіретін соңғы жарыс Астанада өтеді

Дзюдодан Париж Олимпиадасына ұпай үлестіретін соңғы жарыс Астанада өтеді, деп хабарлайды Kazinform.

ҚР Ұлттық олимпиадалық комитеті мәлім еткендей, Халықаралық дзюдо федерациясы (IJF) 2024 жылғы спорт кестесін жаңартты.

Нәтижесінде, жаңартылған күнтізбеге сәйкес, Қазақстанда өтетін әлемдік Qazaqstan Barysy Grand Slam 2024 жарысы Алматы қаласынан Астана қаласына ауыстырылған.

Жарыс 10-12 мамыр күндеріне жоспарланған.

Айта кетерлігі, бұл бәсеке 2024 жылғы Париж Олимпиадасына рейтингтік ұпай беретін соңғы Grand Slam жарысы.

Grand Slam жарысының жеңімпаздары мен жүлдегерлеріне берілетін ұпайлар:
I орын - 1000 ұпай
II орын - 700 ұпай
III орын - 500 ұпай