Дзюдодан республикалық турнирдің жеңімпаздары анықталды
ҚЫЗЫЛОРДА. ҚазАқпарат - Қызылорда облысында Мөрәлі Шәменовты еске алуға арналған дзюдодан республикалық турнир өтті. Оған 2003-2005 жылы туған жасөспірімдер қатысты, деп хабарлайды ҚазАқпарат тілшісі.
Дүбірлі бәсекеге Астана, Алматы қалалары, Алматы, Ақтөбе, Атырау, Маңғыстау, Оңтүстік Қазақстан, Батыс Қазақстан, Жамбыл, Қарағанды және Қызылорда облыстарынан 28 команда 400-ге жуық татами шеберлері 9 салмақ дәрежесінде жүлделерді сарапқа салды.
Жеңімпаздар мен жүлдегерлер диплом, медаль және бағалы сыйлықтармен марапатталды.
