Дзюдодан Ташкентте өтетін Grand Slam турниріне Қазақстаннан кімдер барады
АСТАНА. KAZINFORM – 1-3 наурыз күндері Өзбекстан астанасы Ташкент қаласында өтетін дзюдодан кезекті Grand Slam турниріне Қазақстаннан кімдер баратыны белгілі болды.
ҚР Ұлттық олимпиадалық комитетінің мәлімдеуінше, аталған сынға Қазақстанның ерлер құрамасы 7 салмақта сынға түседі.
Олар:
60 келі: Елдос Сметов, Нұрқанат Серікбаев
66 келі: Есет Қуанов, Ғұсман Қырғызбаев
73 келі: Данияр Шамшаев, Асқар Нарқұлов
81 келі: Абылайхан Жұбаназар, Руслан Мұсаев
90 келі: Айдар Арапов, Ермахан Әнуарбеков
100 келі: Бекзат Шағатаев, Нұрлыхан Шархан
+100 келі: Ерасыл Қажыбаев, Ғалымжан Қырықбай
Естеріңізге сала кетейік, 2-4 ақпан күндері Франция астанасы Парижде әлемдік Grand Slam турнирі өткен болатын. Сол турнирде Қазақстан Ұлттық құрамасынан тек қана Нұрлыхан Шархан ғана жеңіс тұғырынан көріне алған болатын.
