Дзюдошы Кәмила Берліқаш Grand Slam турнирінің күміс жүлдегері атанды
Қазақстандық Кәмила Берліқаш Әбу-Дабиде Grand Slam турнирінің күміс жүлдегері атанды, деп хабарлайды Kazinform.
Кәмила 78 келіден жоғары салмақта финалда португалиялық Нунес Рочелемен бердесті.
Қазақстандық дзюдошы қарсыласына иппон әдісімен жол берді.
Осылайша, Кәмила Берліқашқа күміс бұйырды. Өткен жылы ол Бакуде дәл осындай додада қола жүлде алған еді.
Еске сала кетейік, бұдан бұрын дзюдошы Кәмила Берліқаштың Әбу-Дабиде Grand Slam турнирінің финалына шыққанын жазған болатынбыз.
