Дзюдошы Зарина Райфова Азия пара ойындарының күміс жүлдегері атанды
Қытайдың Ханчжоу қаласында өтіп жатқан Азия пара ойындарында дзюдошы Зарина Райфова күміс жүлдегер атанды, деп хабарлайды Kazinform.
Зарина J2 санаты бойынша 70 келіге дейінгі салмақта финалдық белдесуде әлем чемпионы, алаң қожайыны Хуньюй Ванмен белдесіп, 0:10 есебімен есе жіберді.
Зарина А тобындағы бірінші кездесуінде Азия пара ойындарының екі мәрте қола жүлдегері, жапониялық Ацуми Нисимурадан 10:0 есебімен айласын асырған еді.
Осылайша, Қазақстан қоржынына жетінші күміс медаль түсті.
Еске сала кетейік, бұдан бұрын параспортшы Нұрдәулет Жұмағалидың Қазақстанға бесінші алтынды салғанын жазған болатынбыз.
