E-gov-қа жасанды интеллект енгізіледі

АСТАНА. ҚазАқпарат - E-gov-қа жасанды интеллект енгізіледі. Бұл туралы бүгін Үкіметтің селекторлық режімдегі отырысында ҚР Ақпарат және коммуникациялар министрі Дәурен Абаев мәлім етті, деп хабарлайды ҚазАқпарат тілшісі.

"2018 жылы электронды үкіметтің даму деңгейі бойынша Біріккен Ұлттар Ұйымы өткізген зерттеулер нәтижесінде, Қазақстан 39-шы орынды иеленді. Бұл даму қарқыны өте жоғары мемлекеттер арасындағы көрсеткіш. Біздің электронды үкімет қазір EGOV 2.0. сатысында. «Цифрлық Қазақстан» мемлекеттік бағдарламасының аясында біз e-GOV 3.0, сатысына көтерілу жұмыстарын жүргізудеміз. Бұл саты Оңтүстік Корея, Австралия, Сингапур, Ұлыбритания мен Данияда қолданылып жатыр", - деді ол.

Осы ретте министр E-gov 3.0 сатысына толығырақ тоқталды.

"Ең алдымен бұл - «Жасанды интеллект», «Проактивті қызметтер», «Интернет заттар» мен тағы басқа да технологиялық артықшылықтар. 2021 жылы біз E-gov 3.0 сатысына толық көшуді жоспарлап отырмыз. Дегенмен қазір бұл сатының кейбір элементтері енгізіліп те қойды. Мысалы: ақпараттық жүйелердің интеграциясы өндірілуде. Сонымен қатар, «Смарт Бридж» жобасының аясында жасанды интеллект элементтері енгізіліп, проактивті қызметтер жүзеге асырылады", - деді Дәурен Абаев.

Фото: fcis.kz