Е.Қайыров ҚР Индустрия және жаңа технологиялар министрлігінің инвестициялар жөніндегі комитетінің төрағасы қызметіне тағайындалды
АСТАНА. 22 ақпан. ҚазАқпарат - Ерлан Қайыров ҚР Индустрия және жаңа технологиялар министрлігінің инвестициялар жөніндегі комитетінің төрағасы қызметіне тағайындалды. Бұл туралы ҚР ИЖТМ-нің баспасөз қызметінен хабарланды.
Қайыров Ерлан Қартайұлы 1978 жылы 15 маусымда Қарағанды қаласында дүниеге келді.
Ол Е.А.Бөкетов атындағы ҚарМУ-ді «Халықаралық экономикалық қатынастар» мамандығы бойынша тәмамдады.
М.В. Ломоносов атындағы Мәскеу мемлекеттік университеті жанындағы қайта даярлау институтында және Дүниежүзілік банктің Экономикалық даму институтында оқыды.
1999-2001 жылдар аралығында мемлекеттік органдарда сыртқы экономикалық байланыстар саласында қызмет етті.
2002-2004 жылдар аралығында ҚР Премьер-Министрінің кеңсесі сыртқы байланыстар бөлімі меңгерушісінің орынбасары болды.
2004-2006 жылдар аралығында - ҚР Президенті Әкімшілігі сыртқы саясат орталығының бас инспекторы.
2006 жылы ҚР Экономика және бюджеттік жоспарлау министрлігі аппаратының басшысы болды.
2006-2007 жылдарда -«Атамекен» кәсіпкерлер және жұмыс берушілер одағы басқармасы төрағасының орынбасары, басқарма төрағасының кеңесшісі.
2007-2010 жылдар аралығында - «Қазақтелеком» АҚ-ның сыртқы байланыстар жөніндегі атқарушы директоры.
2010 жылы «KAZNEX INVEST» экспорт және инвестициялар жөніндегі ұлттық агенттіктің Еуропа елдері бойынша өңірлік директоры.
2011 жылдың ақпан айынан бастап - ҚР Индустрия және жаңа технологиялар министрлігінің инвестициялар жөніндегі комитет төрағасының орынбасары.
