Э. Мунканың «Айқай» туындысы 120 млн. АҚШ долларына сатылды

Бұл жайында Утро.ру хабарлайды. Осы арқылы аталған шығарма тарихта ең қымбат полотнолардың біріне айналды.

Нью-Йорктегі Sotheby's аукционында оның бастапқы құны 50 млн. долларды құрады. 15 минут ішінде картинаға 7 үміткер таласты. Нәтижесінде, бұл туындыны аталған саудаға телефон арқылы қатысқан сатып алушы иеленді. Оның есімі жария етілген жоқ. Мунканың картинасынан түскен қаржы Норвегиядағы мұражай мен өнер орталығының құрылысына бағытталмақ,-деп хабарлап отыр ВВС.