Е.Ыдырысов «ШЫҰ-Ауғанстан» байланыс тобының қызметін қалпына келтіру қажеттілігін атап өтті
МӘСКЕУ. ҚазАқпарат - Ауғанстанның мемлекеттілігін дамыту және нығайту ШЫҰ-ның жауапкершілігіне кіретін аймақтағы тұрақтылықтың басты факторларының бірі болып қалып отыр.
Осыған байланысты, Қазақстан Ауғанстанның Ұлттық бірлігі Үкіметі мен халықаралық қауымдастықтың елдегі жағдайды тұрақтандыру бойынша күш салуына қолдау білдіреді. Бұл туралы Мәскеуде ШЫҰ-на мүше мемлекеттердің Сыртқы істер министрлерінің қатысуымен өткен «ШЫҰ аймағындағы қауіпсіздік пен тұрақтылық» атты жоғары деңгейдегі конференция барысында ҚР Сыртқы істер министрі Ерлан Ыдырысов мәлімдеді.
Е.Ыдырысовтың пікірінше, аталған бағыттың басты мақсаты - Ауғанстанды аймақтағы саяси, экономикалық, сауда және трнанзиттік айналымға қайтару.
Осыған байланысты ҚР сыртқы саяси ведомствосының басшысы әріптестерінің назарын «ШЫҰ-Ауғанстан» Байланыс тобы құрылғанына 10 жыл толуына қарамастан, қандай да бір күрделі жетістіктердің жоқ екеніне аудартты. Министр «ШЫҰ-Ауғанстан» байланыс тобының қызметін қалпына келтіру қажеттілігі мен жаңа қыр көрсетулер мен қауіп-қатерлердің пайда болуын ескере отырып, оның жұмысының нақты тақырыбын анықтау қажеттілігін атап өтті.
