03:21, 22 Тамыз 2014 | GMT +5
Эбола індеті кесірінен Либерия астанасындағы крематорий мәйітке толды - БАҚ
АСТАНА. ҚазАқпарат - Либерия астанасы Монровиде Эбола індетінен қайтыс болғандардың мүрдесін өртеу крематорий қызметкерлері үшін өте қиынға соғып тұр. Онда күніне індеттен қайтыс болған 10 қала тұрғынының денесі жағылады, деп хабарлады ИТАР-ТАСС France Presseке сілтеме жасай отырып.

Батыс Африка елдерінің ішінде әсіресе, Либерия халқы Эбола індетінен көп зардап шегіп отыр. Бүгінгі күнде 972 адамға бұл ауру жұғып, оның 576-сы қайтыс болды.
«Крематорий қызметкерлері қайтыс болғандардың денесін ауруханаларға қайтадан қайтарып беруге мәжбүр. Себебі, олар күнде сонша адамның денесін өртей алмайды», - деді Либерия Қайырымдылық бөлімі бас хатшысы Фаях Тамба.
Сонымен қатар, ол бұл мәселені шешуге және елдегі ахуал одан сайын күрделеніп кетпесі үшін халықаралық ұйымдардан көмек сұрады.