Эбола вирусынан көз жұмғандардың саны 8 мыңнан асты

АСТАНА. ҚазАқпарат - Батыс Африкада Эбола вирусынан көз жұмғандардың саны 8220 адамға жетті, ал 207 126 адам бұл індетті жұқтырған.

Бұл туралы Дүниежүзілік денсаулық сақтау ұйымы таратқан мәлімметте айтылған, деп жазады ТАСС.

Мәліметте айтылғандай, ауру жұқтырғандардың басым бөлігі Батыс Африканың Гвинея, Либерия, Сьерра-Леон елдерінде. Либерияда 3496 адам қаза тауып, 8157 адам ауруды жұқтырған. Ал Сьерра-Леонде 2943 адам көз жұмса, жұқтырған адамдардың саны әлдеқайда көп болып отыр - 9780. Гвинеяда 1781 адам қайтыс болып, 2775 адам індетті жұқтырған.