ЕЭАО кеңістігінде азаматтардың еркін жүруін жаңарту қажет – Александр Лукашенко
НҰР-СҰЛТАН. ҚазАқпарат – Беларусь Республикасының Президенті Александр Лукашенко Еуразиялық экономикалық одақ кеңістігінде ұйымға мүше елдердің азаматтарының еркін жүруін жаңартуды ұсынды, деп хабарлайды ҚазАқпарат тілшісі.
«Өткен жылғы күрделі кезең экономикалық белсенділікті қолдаудың нақты ұлттық бірлескен іс-шараларын жүзеге асыру дағдарыс салдарын жуып-шаюға мүмкіндік беретіндігін байқатты. Сонымен бірге келешекте экономикалық өсім үшін құрылымдық өзгерістерге негіз қалайтындығын көрсетіп берді. Біздің Үкіметтеріміз одақ кеңістігінде азаматтардың еркін жүруін жаңарту бойынша бірлескен іс-қимылдың нақты алгоритмдерін келісетін уақыт жеткеніне сенімдімін. Әрине, коронавирустың жаңа таралу ошақтарын, өзге аурулардың таралуын шектеу үшін іс-шаралар қабылдау арқылы ғана», - деді Беларусь Президенті Жоғары еуразиялық экономикалық кеңестің отырысында.
