«Егемен Қазақстан» және «Казахстанская правда» газеттерінде білім беру гранттары иегерлерінің тізімі жарияланды

Айта кетейік, еліміздің Білім және ғылым министрлігінің деректеріне сәйкес, ағымдағы жылы 91 018 талапкер ҰБТ тапсырған. Күні кеше 2011-2012 оқу жылына білім беру гранттарын тағайындау бойынша республикалық комиссия өз жұмысын аяқтап, бағы жанған 32946 адамға мемлекеттік білім грантын белгіледі. Республикалық комиссия білім гранттарының 3003-ін «Алтын белгі» иелеріне, 628-ін халықаралық, республикалық олимпиадалардың және ғылыми жарыстардың жеңімпаздарына, 409-ын спорттық жарыстардың жеңімпаздарына, 509-ын жетім және ата-ана қамқорлығынсыз қалған балаларға, 236-сын 1,2 топтағы мүгедектер мен мүгедек-балаларға, 16 594-ін ауыл жастарына, 723-ін қазақ дипаспорасының өкілдеріне берді.

Бұдан бөлек дайындық бөлімдеріне 2275, Назарбаев Университетіне 500, М.Ломоносов атындағы Мәскеу мемлекеттік университетінің Қазақстандағы филиалына 125, Х.Яссауи атындағы халықаралық қазақ-түрік университетіне 200 грант бөлініп отыр, барлығы 36046 грант өз иелерін тапты.