Екі адамды өлтіріп, біреуін жаралаған — Шымкентте ауыр қылмыс жасады деген күдікпен ер адам ұсталды

Шымкентте аса ауыр қылмыс жасады деген күдікті ұсталды, деп хабарлайды Kazinform.

Оқиға кеше және бүгін болды. Күдіктінің қолынан екі адам қаза тауып, бір азамат ауыр жарақатпен ауруханаға жеткізілді.

Шымкент қаласы полиция департаменті баспасөз қызметінің мәлімдеуінше күдіктіні полиция қызметкерлері ұстаған. Қазір қамауда. Тергеу шаралары жүргізіліп жатыр. Қажетті сараптамалар да тағайындалған.

«Аса ауыр қылмыс жасау фактісі бойынша қылмыстық іс қозғалды. Басқа мәліметтер тергеу мүддесі үшін жарияланбайды» - делінген ведомства тарапынан берілген ақпаратта.

Бейресми мәліметтерге сай, күдікті 28 жастағы ер адам.