Екібастұз энергия торабының жұмысы қалпына келтірілді

АСТАНА. KAZINFORM — 2025 жылғы 19 маусымда болған апаттық ажыратудан кейін Екібастұз энергия торабындағы 500 кВ әуе желісі арқылы электрмен жабдықтау схемасы толық қалпына келтірілді, деп хабарлайды «KEGOC» АҚ баспасөз қызметі.

— Электр жеткізу желілеріндегі апат салдары жойылды. Мамандардың жедел әрекет етіп, энергия жүйесінің тұрақты жұмысын қалпына келтірді. Бұл ретте Қазақстан БЭЖ-інің Оңтүстік аймағы мен Орталық Азияның БӘЖ-іне аварияның салдарын барынша азайтты. Сағат 19:08–де Қазақстанның Солтүстік және Оңтүстік аймақтарының параллель жұмысы қалпына келтіріліп, тұтынушыларға енгізілген шектеулерді алып тастау жұмыстары басталды, — делінген «KEGOC» АҚ хабарламасында.

Бұдан бұрын Екібастұзда 500 кВ электр жеткізу желісі апаттық жағдайда ажыратылғанын жазғанбыз.