Екі американдық 400 миллион доллар ұтты

АСТАНА. ҚазАқпарат - АҚШ-тың екі тұрғыны елдегі ірі Mega Millions лотереясы ойналған кезде $400 млн доллардың иесі болып шыға келді.

Ірі олжа әкелген билеттер Флорида және Мэриленд штаттарында сатып алыныпты.

Fox News хабарлағандай, ұтыс иелері өз ақшаларына әлі келмеген. Бұл лотерея ұйымдастырушыларын БАҚ арқылы оларды ұтысын алуына шақыруға итермеледі.

Ережеге сай ұтыс бірнеше кезеңде табысталады. Егер жеңімпаздар өз ақшаларын бір уақытта алғылары келсе, жалпы төлемдердің ең көп көлемі 224 миллионнан аспайды.