Екі қазақстандық теннисші Almaty Womens халықаралық турнирінің жартылай финалына шықты
АСТАНА. 20 қазан. ҚазАқпарат - Екі қазақстандық жас спортшы Залина Хайрудинова мен Анна Данилина теннистен әйелдер арасында өтіп жатқан Almaty Womens халықаралық турнирінің жартылай финалына шықты, деп хабарлады ҚР теннис федерациясының баспасөз қызметінен.
Бүгін жартылай финалға арналған жолдаманы сарапқа салу кезінде З.Хайрудинова ресейлік теннисші Полина Родионованы 6:4, 6:2 есебімен жеңді. Ал екінші жерлесіміз А.Данилина турнирдің бірінші нөмірі өзбекстандық Влада Екшибарованы 6:4, 6:3, 6:1 есебімен екі сетте тізе бүктірді.
Сонымен қатар бүгін қазақстандық теннисшілердің жартылай финалдағы қарсыластары айқындалды. З.Хайрудиноваға қарсы қырғыз теннисшісі Бермет Дуванаева, ал А.Данилинамен ресейлік А.Артамонова ойнайтын болады.
