Екі көліктің ат арбамен соқтығысуы салдарынан бес адам қаза тапты
АСТАНА. ҚазАқпарат - Махачкала-Кочубей федералдық күре жолында ВАЗ, Renault көліктері және ат арба соқтығысты.
Апат бейсенбі күні күре жолдың 57-ші шақырымында орын алған. Renault жүргізушісі оны басқара алмай, жолдың қарсы жолағына шығып кетті. Онда көлік ВАЗ-2110 машинасымен, одан кейін ат арбамен соқтығысты. Шетелдік көліктің 40 жастағы жүргізушісі және отандық көліктің барлық жолаушылары оқиға орнында көз жұмды. Олардың арасында 40 жастағы жүргізуші, 38 жастағы әйел, 9 жасар бала және нәресте болған.
Түрлі жарақаттар алған тағы үш адам ауруханаға жеткізілді. Науқастардың барлығының жағдайы ауыр, деп хабарлайды Lifenews.
