Екі спортшы бір-бірін нокаутқа түсірді
АСТАНА. ҚазАқпарат - Аралас жекпе-жектен сынға түсіп жатқан екі спортшы бір уақытта бір-бірін нокаутқа түсірді, деп хабарлайды ҚазАқпарат тілшісі.
ММА шеберлері Аксель Каварес пен Алан Васкес Канзас Ситидегі Shamrock FC 285 турнирінде сынға түсіп жатқанда жанкүйерлер күтпеген жағдай орын алды. Екі спортшы да бір-біріне алма-кезек соққы жұмсауға ұмтылады. Осы сәтте, қос спортшының соққылары бірдей уақытта бір-бірінің бетіне тура тиіп, құлап түсті.
Бірақ, төрешілер алдымен есін жиып, тұрып кеткен Васкеске жеңісті сыйлады.
