Екі жол-көлік оқиғасында 13 адам зардап шекті - Төтенше жағдайлар министрлігі
АСТАНА. Шілденің 29-ы. ҚазАқпарат - Өткен тәулікте республикада орын алған жол-көлік оқиғаларында 13 адам зардап шекті, олардың ішінде 3 бала бар,
деп хабарлайды Төтенше жағдайлар министрлігінің баспасөз қызметінен.
Талдықорғанда Алматы-Өскемен тас жолында кеше, шілденің 28-інде түнгі сағат 3-терде «Тойота» көлігі аударылды. Оқиға салдарынан жүргізуші мен бес жолаушы түрлі жарақатпен ауруханаға түсті, олардың ішінде екі жасар бала бар.
Кеше сондай-ақ, сағат 16.28-де Қарағанды қаласында Шахтерлар даңғылында маршруттық таксидің жүргізушісі бағанға соғылады. Оқиға салдарынан көліктегі 10 жолаушының жетеуі ауруханаға түскен, олардың ішінде 7 жастағы бала мен 2009 жылы туған нәресте бар.
