Эколог Мэлс Елеусізов қазақстандықтарды ағаш отырғызуға шақырды

АЛМАТЫ. ҚазАқпарат - Алматыда 5 сәуірде «Табиғат» экологиялық одағының бастамасымен дәстүрлі ағаш отырғызу акциясы өтеді. Бұл туралы бүгін баспасөз мәслихатында экоодақ төрағасы Мэлс Елеусізов айтты.

«Ағаштар Райымбек кентінде, Алматы-Бішкек күрежолының 15-шақырымында отырғызылады. Онда ландшафтылық саябақ жасау көзделуде, бұл оңай емес. Бұл араға жеке үй салғысы келетін құрылысшылар да көз тігіп отыр», - деді танымал эколог.

Ол елімізде ағашқа немқұрайды қарау етек алғанын қынжылыспен әңгіңмеледі. «Айталық, біз өткен жылы отырған көшеттердің жартысы қазірдің өзінде қаскөйлікпен жойылған», - деп мәлімдеді М.Елеусізов.

Ол сондай-ақ әрбір қазақстандықты бір-бірден ағаш отырғызып, «Табиғат» экоодағының «жасыл акциясын» қолдауға шақырды.