Экономикалық даму және сауда министрлігі Қазақстан өнімдерін экспорттаудағы нарықты қамтамасыз етуге дайын
деп хабарлайды ҚазАқпарат.
«Әрине, Кедендік одақта біздің кәсіпкерлер үшін бәсекелестіктің артуы басты мәселелердің бірі. Қазіргі кезде Ресеймен арада ешқандай кедергі жоқ. Өйткені, біз емін-керкін сауда режимінде жұмыс істедік. Сол кедергісіз тауарлар мен қызметтер келіп жатыр»,-деді министр.
Алайда Қазақстан үшін кейбір кедергі болғанын ескеріп өткен Ж. Айтжанова, «ауыл шаруашылығы тауарларын біз оларға шығара алмадық. Қазір осы салада ҚР Ауыл шаруашылығы министрлігі өте жақсы жұмыс істеп жатыр. Атап айтқанда Қазақстан ет және ет өнімдерін Ресей нарығына өткізу тұрғысында ауқымды шаралар атқарылуда», деді.
«Сонымен қатар сол экспортталатын тауарлар елімізде жеткілікті түрде өндіріліп жатыр ма?-деген сауал туындайды. Ауыл шаруашылығы министрлігі нарық болса, тауар да болады деген ұстанымға бекінуде. Сондықтан нарықты Экономикалық даму және сауда министрлігі ретінде қамтамасыз етеміз, ал тауарды салаға жауапты ведомстволар қамтасыз етуі тиіс»,-деді министр.