«Экономикалық зерттеулер институты» АҚ-ы жаңа президенті тағайындалды
Мұханов М.Н. 1967 жылы туған, Абай атындағы Қазақ Мемлекеттік педагогикалық университеті мен Қазақстан Республикасы Президенті жанындағы мемлекеттік басқарудың Ұлттық Жоғары Мектебінде оқыған.
1993-1996 жылдар аралығында Қазақстан Республикасы сыртқы экономикалық байланыстар министрлігі мен Өнеркәсіп және сауда министрлігінде қызмет еткен.
1997-1999 жылдар аралығында Қазақстан Республикасы Стратегиялық жоспарлау және реформалар агенттігінде еңбек еткен.
1999-2002 жылдар аралығында Қазақстан Республикасы Қауіпсіздік Қызметі Талдау орталығында сектор меңгерушісінің орынбасары, меңгерушісі қызметтерін атқарған.
2002-2003 жылдар аралығында Экономика және бюджетті жоспарлау министрлігі жанындағы «Экономикалық Зерттеулер Институтында бас директордың орынбасары қызметінде болған.
2003-2006 жылдар аралығында Қазақстан Республикасы Президент Әкімшілігінде әлеуметтік-экономикалық талдау бөлімі меңгерушісінің орынбасары, меңгерушісі қызметтерін атқарған.
2006 жылдың маусым айынан 2008 жылдың ақпан айына дейін «Қазына» Орнықты Даму Қоры» АҚ Басқарушы директоры-корпоративті хатшысы, басқарма бастығының орынбасары қызметтерін атқарған.
2008 жылдың ақпан айынан бері Қазақстан Республикасы Президент Әкімшілігінде Стратегиялық есеп пен талдау орталығын басқарған.