Экономиканы жаңғырту мәселелері жөніндегі мемлекеттік комиссияның отырысы өтті
ҚР Премьер-Министрі Әлихан Смайылов Экономиканы жаңғырту мәселелері жөніндегі мемлекеттік комиссияның кезекті отырысын өткізді, деп хабарлайды Kazinform ҚР Үкіметінің баспасөз қызметіне сілтеме жасап.
Жиынға қатысушылар Шымкент және Алматы қалаларында ірі инвестициялық жобаларды іске асыру, IT-саласы мен ауыл шаруашылығына арналған жабдықтарға салық салу мәселелерін, сондай-ақ басқа да бірқатар мәселелерді талқылады.
Сонымен қатар еліміздің тау-кен металлургия кешенін одан әрі дамыту шаралары қаралды.
