Эквадордағы тәртіпсіздіктер салдарынан кем дегенде 1 адам мерт болып, алтауы жараланды

АСТАНА. Қазанның1-і. ҚазАқпарат - Эквадордағы тәртіпсіздіктер салдарынан кем дегенде 1 адам мерт болып, алты адам жарақат алды. Бұл жөнінде осы елдің қауіпсіздік министрі Мигель Карвайаль хабарлады.

Зардап шеккендердің барлығы да жарақаттарын ел президенті Рафаэль Корреа жатқан аурухана маңында алған, деп хабарлайды Associated Press.

Естеріңізге сала кетейік, Эквадорда полицейлер мен әскерилердің жаппай наразылық акциясы басталды. Ел президенті Р.Коррера республикада қалыптасқан бұл ахуалды мемлекеттік төңкеріс жасауға бағытталған әрекет деп бағалап отыр. Наразылық акциясы кем дегенде жеті күнге созылады.