Эльбрусты бағындырмақ болған Ингушетия альпинисін іздеу жұмыстары нәтижесін берер емес
АСТАНА. ҚазАқпарат - Эвересті екі рет бағындырған Ингушетия альпинисі Лейла Албогачиева Эльбрусқа шықпақ болған кезінде із-түзсіз жоғалып кетті.
Бұл туралы Ингушетия Республикасының дене шынықтыру және спорт министрлігінен хабарлады.
Министрліктің мәліметтерінен қарағанда, альпинистің жоғалғандығы туралы хабар Кабардино-Балкария ТЖММБ-ға 22 қыркүйекте түскен. Оны іздеу жұмыстарына Эльбрус тауда іздеу-құтқару отряды құрамының - 6, ТЖМ тобының 10 адамы жұмылдырылды.
Оқиға орнында жүрген дене шынықтыру және спорт вице-министрі Дауд Алхазуровтың айтуынша, кеше түстен кейін ауа-райының қолайсыздығынан іздеу жұмыстары тоқтатылды.
Албогачиева екі рет - 2012 және 2013 жылдары Аконкагуа мен Килиманджарода болған, 12 рет Эльбрусқа шыққан.
