Ел бюджетіне 2 млрд. теңге шығын келтірген «кәсіпкер» ұсталды - Қаржы полициясы

АСТАНА. 17 сәуір. ҚазАқпарат - ҚР Экономикалық қылмыс және сыбайлас жемқорлықпен күрес агенттігінің Астана қаласы бойынша департаменті жалған есеп-қисап құжаттарын жасап,

коммерциялық ұйымдарға салықтан жалтаруға көмектескен азаматты ұстады.

Ол «АстанаСпецмонтажСтрой», «Успех КЗ» және «РекордСтройГрупп» атты үш бірдей фирманы өз атына ашып, 2,5 жыл бойы коммерциялық ұйымдардың ақшасын қолма-қол шығарып беріп отырған. Негізгі мақсат - салықтан жалтару. Одан ел бюджетіне келген шығын 2 млрд. теңгені құрады. Қазіргі кезде аталған факті бойынша үш бірдей қылмыстық іс қозғалды.