Елбасы Қазақстанның халық әртісі Жәния Әубәкірованы қабылдады

НҰР-СҰЛТАН. ҚазАқпарат – Елбасы Қазақстан Республикасының халық әртісі Жәния Әубікәрованы қабылдады, деп хабарлайды Елбасының ресми сайты.

Кездесу барысында Ж.Әубәкірова Нұрсұлтан Назарбаевқа қазіргі қызметі туралы айтып, алдағы кезеңге шығармашылық жоспарларымен бөлісті.

– Сіз өнерде толағай табысқа қол жеткізген елімізге танымал тұлғасыз. Әйелдер арасында Бейбітшілік және прогресс сыйлығын алған бірден-бір адамсыз. Біздің мәдениетімізді әлем елдеріне насихаттадыңыз. Біліміңіз және тәжірибеңізбен өскелең ұрпақпен бөлісуді жалғастыра беріңіз, - деді Қазақстанның Тұңғыш Президенті.