Елбасы: Қазақстанның тәуелсіздігі тұрақты ұғым, ал оны сақтау- әрбір азаматтың қасиетті борышы
АСТАНА. ҚазАқпарат - Бүгін Мемлекет басшысы Нұрсұлтан Назарбаев Астана қаласы активімен кездесу барысында Қазақстанның тәуелсіздігі тұрақты ұғым болып саналатынына, ал оны сақтау әрбір азаматтың қасиетті борышы екендігіне назар аударды.
«Кезінде америкалық үндістердің көпшілігі түрлі басқыншылар арқылы өз жерлерінен қуылды немесе жойылды. Тегі үндіс бір кинорежиссерге «байлық бақыт болып санала ма?» деп сұрақ қойылады. Бұған ол: «Өзімде және өзгелерде бар бүкіл байлықты мен халқымның бір күндік тәуелсіздігіне берер едім», - деп жауап қатыпты. Сондықтан біздің баршамызға тәуелсіздігімізді бағалаған жөн», - деді Қазақстан Президенті.
