Елбасы «Медеу» спорт кешеніндегі жөндеу жұмыстарымен танысты
sp; АЛМАТЫ. Қарашаның 24-і. ҚазАқпарат /Ерлік Ержанұлы/ - Бүгін Елбасы Нұрсұлтан Назарбаев Алматыдағы «Медеу» спорт кешенінде болды. Мемлекет басшысын қала әкімі Ахметжан Есімов осындағы жөндеу жұмыстарының барысымен таныстырып, мұз айдынының желтоқсанның 16-сы күні ашылатынын, қазіргі таңда кешендегі жөндеу жұмыстарының 80 пайызға орындалғанын, енді тек әрлеу жағы қалғанын жеткізді.
Жалпы «Медеу спорт» кешеніндегі қайта жаңарту жұмыстары 2008 жылдың қазан айында басталған болатын. Тапсырыс беруші - Алматы қаласының Дене шынықтыру және спорт басқармасы, бас мердігер - «Real-Инжиниринг» ЖШС.
8500 орындық «Медеу» спорт кешенінде 2011 жылғы қысқы Азия ойындары бағдарламасына кірген спорт түрлерінің ішіндегі бендиден жарыстар өтетін болады.
