Елбасы Н.Назарбаевтың Үкімет алдына қойған тапсырмалары тағы мәрте пысықталды
Атап айтқанда, Президенттің мемлекеттің қатысуымен жұмыс істейтін кәсіпорындардың жекеменшік секторға беру үшін тізімін анықтау, геологиялық барлау жұмыстары бағдарламасын дайындау, «Самұрық-Қазына» АҚ құрамына енетін компаниялардың өндіріспен тікелей айналысатын жұмысшыларының еңбекақысын көтеру және басқа да тапсырмаларын жүзеге асыру бойынша мәселелер қаралды.
«Сондай-ақ халықаралық «Қазақстан Жібек Жолы» деңгейінде көлік-логистикалық жүйе құру, «Кендірлі» курортын одан әрі дамыту бойынша ұсыныстар енгізу және жаңғыртылған табиғи ресурстарды пайдалану саласында отандық ғылымды дамытуға қолдау көрсету бойынша тапсырмалардың орындалу барысы қаралды», - деп хабарлады ҚР Премьер-Министрінің ресми сайты.
«Тұтастай алғанда, Президент тапсырмаларын орындау жақсы жүріп жатыр. Бірінші басшылар бұл мәселелерді айрықша назарда ұстауы керек. Біз мемлекеттік органдардың есептерін тұрақты түрде тыңдайтын боламыз»,-деп түйіндеді Серік Ахметов.